పోడు భూముల సమస్యలను పరిష్కరించడానికి ప్రభుత్వ యంత్రాంగం కృషి చేస్తోందని ఆదిలాబాద్ జిల్లా ఎస్పీ విష్ణు ఎస్ వారియర్ అన్నారు. గిరిజనుల సమస్యలను పరిష్కరించడానికి మొదటి ప్రాధాన్యత ఇస్తున్నట్టు వివరించారు. శుక్రవారం స్థానిక జిల్లా ఎస్పీ క్యాంపు కార్యాలయంలో ధర్మ జీ పేట్ ఆదివాసీ గిరిజన కోలామ్ సభ్యులు 50 మంది జిల్లా ఎస్పీ ని కలిశారు, మొదటిసారిగా జిల్లా ఎస్పీని కలవడంతో శాలువాతో ఎస్పీని సన్మానించి అనంతరం ఎస్పి తో కలిసి ఫోటోలు తీసుకున్నారు. ఈ సందర్భంగా కోలాం సంఘం జిల్లా అధ్యక్షుడు కోడప సోనే రావు పలు సమస్యలను ఎస్పీకి వివరించారు. సమస్యలను ముందుగానే ప్రభుత్వ యంత్రాంగం దృష్టికి తీసుకురానున్నట్టు తెలిపారు. ఈ సందర్భంగా స్పందించిన ఎస్పీ గిరిజన ప్రాంతాల్లో ఎలాంటి సమస్యలు ఉన్నా అర్ధరాత్రి తన వద్దకు రావచ్చని స్పష్టం చేశారు. సమస్యలను ముందుగానే పరిష్కరించడానికి గ్రామాలను సందర్శిస్తున్నట్టు వివరించారు. పోడు భూముల సమస్యలను పరిష్కరించబడనికి జిల్లా ప్రభుత్వ యంత్రాంగం కృషి చేస్తుందని సూచించారు. ఎలాంటి సమస్యలు ఉన్నా నేరుగా తెలియజేయాలని పేర్కొన్నారు. ఎట్టి పరిస్థితుల్లో చట్టాలను చేతిలో తీసుకోవద్దని, సంయమనంతో ప్రశాంతంగా ఉండాలన్నారు, చట్ట పరిధిలో పనిచేస్తున్న ప్రభుత్వాధికారులు, ఆదివాసీ గిరిజనుల పోడు భూముల సమస్యలను పరిష్కరిస్తారని పేర్కొన్నారు. జిల్లా పోలీసులు ఆదివాసుల ప్రజలతో సత్సంబంధాలు కలిగి ఉన్నారని తెలిపారు. కొలాం సంఘం జిల్లా అధ్యక్షుడు మాట్లాడుతూ జిల్లా పోలీసులపై ప్రభుత్వ యంత్రాంగంపై మాకు మాకు నమ్మకం ఉందని ఎలాంటిసమస్యలున్నా ముందుగానే అధికారులకు తెలియజేసి సామరస్యపూర్వకంగా పరిష్కరించుకుంటామని పేర్కొన్నారు, మా గ్రామస్తులకు ఎస్పీ ఎంతో ఆప్యాయంగా పలకరించాలని, జిల్లా కలెక్టర్,ఎస్పీ లపై మాకు పూర్తి నమ్మకం ఉందని సూచించారు, మా అభివృద్ధి కోసం ఇరువురు అధికారులు అహిర్నిషలు కృషి చేస్తున్నారని కొనియాడారు. సమావేశంలో దర్మోజిపెట్ గ్రామ పటేల్ టేకాం భీమ్ రావు, ఆదివాసీల సమన్వయకర్త ఎస్ ఐ మేస్రం చంద్రబాన్, 50 మంది గ్రామస్తులు పాల్గొన్నారు.
Comments
Post a Comment